செரிமானம் மோசமாக இருந்தால், பல பிரச்சனைகளால் அவஸ்தைப்பட வேண்டியிருக்கும். ஒருவரது குடல் மோசமான ஆரோக்கியத்துடன் இருந்தால், ஒட்டுமொத்த உடலின் செயல்பாடும் பாதிக்கப்படும். இதன் விளைவாக அஜீரண கோளாறு அடிக்கடி ஏற்படும். மஞ்சளில் அழற்சி எதிர்ப்பு பண்புகளும், நெய்யில் ஆரோக்கியமான கொழுப்பு அமிலங்கள் மற்றும் மிளகில் உள்ள சுத்தப்படுத்தும் பண்புகள் உள்ளன. இந்த மூன்றையும் ஒன்றாக கலந்து உட்கொண்டால், உடலில் இருந்து தீங்கு விளைவிக்கும் நச்சுக்கள் வெளியேற்றப்பட்டு, செரிமான பிரச்சனைகள் நீங்கி, வயிற்று ஆரோக்கியம் மேம்படும்.

நாள்பட்ட உட்காயங்கள் தான் சர்க்கரை நோய், இதய நோய், புற்றுநோய் மற்றும் எலும்பு பிரச்சனைகளான மூட்டு வலி, முழங்கால் வலி போன்றவற்றால் அவஸ்தைப்படச் செய்கின்றன. ஆனால் நெய், மஞ்சள் தூள் மற்றும் மிளகுத் தூளை ஒன்றாக கலந்து உண்பதன் மூலம், இந்த பிரச்சனைல் இருந்து விடுபடலாம்.

நெய், மஞ்சள், மிளகு கலவை உடலில் ஆன்ஜியோஜெனிசிஸை ஊக்குவித்து, உடலில் புதிய இரத்த நாளங்கள் உருவாக அனுமதிக்கிறது. இந்த செயல்பாட்டினால் உடலில் இரத்த ஓட்டம் அதிகரித்து, இதய ஆரோக்கியம் மேம்படும். மேலும் இந்த கலவை தூக்க சுழற்சியை சீராக்க உதவும் மற்றும் உறுப்புக்கள் சேதமடையும் அபாயத்தைத் தடுக்கும்.

மஞ்சள், நெய் மற்றும் மிளகுத் தூள் ஆகிய மூன்றுமே மூளையின் ஆரோக்கியத்திற்கு மிகவும் நல்லது. மிளகுத் தூள் மஞ்சளில் உள்ள குர்குமினை எளிதில் உறிஞ்சுவதற்கு மட்டுமின்றி, நல்ல கொழுப்புக்களையும் உறிஞ்ச உதவி புரியும். இது மூளையின் ஆரோக்கியத்திற்கு உறுதுணையாக இருக்கும் மற்றும் அறிவாற்றல் பாதிக்கப்படும் அபாயம் குறையும்.

அதிகப்படியான மாசு, மருந்துகள், புறஊதா கதிர்வீச்சுக்களின் வெளிப்பாடு போன்றவற்றால் நமது டி.என்.ஏ-க்கள் சேதமடைகின்றன. ஆனால் ஒருவர் நெய்யுடன் மஞ்சள் தூள் மற்றும் மிளகுத்தூளை சேர்த்து சாப்பிடும் போது, டி.என்.ஏ-வில் ஏற்படும் பாதிப்பு தடுக்கப்படும்.

ஒரு பௌலில் 1 டேபிள் ஸ்பூன் நெய், 1 டீஸ்பூன் மஞ்சள் தூள் மற்றும் ஒரு சிட்டிகை மிளகுத் தூள் சேர்த்து கலந்து கொள்ள வேண்டும். இது ஒருமுறை சாப்பிடுவதற்கு தேவையான அளவாகும். ஆனால் விருப்பமுள்ளவர்கள் அதிகளவு தயாரித்து, ஒரு கண்ணாடி பாட்டிலில் போட்டு சேமித்து வைத்து, உட்கொள்ளலாம்.

இந்த கலவையை அதிகாலையில் வெறும் வயிற்றில் சாப்பிட்டால் சிறப்பான பலனைப் பெறலாம். இருப்பினும், இந்த கலவையை ஒரு நாளைக்கு எப்போது வேண்டுமானாலும் சாப்பிடலாம். ஆனால் இங்கு குறிப்பிடப்பட்டுள்ள அளவு மட்டுமே உட்கொள்ள வேண்டும். அதிகமாக உட்கொண்டால், பக்க விளைவை சந்திக்கக்கூடும்.

ஒருவர் தினமும் இந்த கலவையை உட்கொண்டு வந்தால், குடலியக்கம் சிறப்பாக இருக்கும் மற்றும் செரிமான திறன் மேம்படும். அதுமட்டுமின்றி, நோயெதிர்ப்பு சக்தி வலிமையடைந்து, காலநிலை மாற்றத்தால் உடல்நிலை சரியில்லாமல் போவது தடுக்கப்படும். மேலும் இது இரத்த சர்க்கரை அளவை சீராக்கி, பல்வேறு ஆரோக்கிய பிரச்சனையைத் தடுக்கும்.