Back
Home » ಇತ್ತೀಚಿನ
ವರ್ಕ್‌ಫ್ರಮ್‌ ಹೋಮ್‌: ಟೆಲಿಕಾಂ ಸಂಸ್ಥೆಗಳಿಂದ ಅಧಿಕ ಡೇಟಾ ಆಫರ್‌!
Gizbot | 23rd Mar, 2020 08:38 PM
  • ಹೌದು

    ಹೌದು, ಕರೋನ ವೈರಸ್ ಭಾರತದಲ್ಲೂ ಹರಡಿದ ಕಾರಣ, ಈಗಾಗ್ಲೇ ಅನೇಕ ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ತಮ್ಮ ಮನೆಯಿಂದಲೇ ಕೆಲಸ ಮಾಡಲು ಆದೇಶಿಸಿವೆ. ಉದ್ಯೋಗಿಗಳು ತಮ್ಮ ಕಚೆರಿಯ ಕೆಲಸವನ್ನ ಮನೆಗಳಿಂದಲೇ ಮಾಡಬೇಕೆಂದರೆ ಅಗತ್ಯ ಇಂಟರ್‌ನೆಟ್‌ ಸೌಲಭ್ಯ ಇರಲೇಬೇಕು. ಕಂಪೆನಿಗಳಲ್ಲಿ ಲಭ್ಯವಾಗುವ ಇಂಟರ್‌ನೆಟ್‌ ವೇಗಕ್ಕೂ ಮನೆಯಲ್ಲಿ ಸಿಗುವ ಇಂಟರ್‌ನೆಟ್‌ಗೂ ಅಜಗಜಾಂತರ ವಿರುತ್ತದೆ. ಅಷ್ಟೆ ಅಲ್ಲದೆ ಕಛೇರಿ ಕೆಲಸ ನಿರ್ವಹಿಸಲು ಸಾಕಷ್ಟು ಇಂಟರ್‌ನೆಟ್‌ ಅಗತ್ಯವಿರುವುದರಿಂದ ಹೊಸ ರಿಚಾರ್ಜ್‌ ಪ್ಲ್ಯಾನ್‌ಗಳನ್ನ ನಿವು ಆಯ್ಕೆ ಮಾಡಬೇಕಾಗುತ್ತದೆ. ಇದನ್ನೇ ಮನದಟ್ಟು ಮಾಡಿಕೊಂಡಿರುವ ಭಾರತದ ಟೆಲಿಕಾಂ ಕಂಪೆನಿಗಳು ವರ್ಕ್‌ ಫ್ರಮ್‌ ಹೋಮ್‌ಗಾಗಿಯೇ ಕೆಲ ವಿಶೇಷ ರಿಚಾರ್ಜ್‌ ಪ್ಲ್ಯಾನ್‌ಗಳನ್ನ ಪರಿಚಯಿಸಿವೆ. ಅವುಗಳು ಯಾವುವು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿ.


  • ರಿಲಾಯನ್ಸ್‌ ಜಿಯೋ ಪ್ಲ್ಯಾನ್‌

    ವರ್ಕ್‌ ಫ್ರಮ್‌ ಹೋಮ್‌ ಮಾಡುವ ಉದ್ಯೋಗಿಗಳಿಗೆ ಇಂಟರ್‌ನೆಟ್‌ ಅಗತ್ಯತೆಯನ್ನ ಮನಗಂಡಿರುವ ರಿಲಾಯನ್ಸ್ ಜಿಯೋ, ದಿನಕ್ಕೆ 2GB ಯ ಅನಿಯಮಿತ ಡೇಟಾ ಪ್ರಯೋಜನಗಳನ್ನು ಮತ್ತು ಹೆಚ್ಚಿನ ವೇಗದ ಡೇಟಾವನ್ನು ನೀಡುವ 'ವರ್ಕ್ ಫ್ರಮ್ ಹೋಮ್ ಪ್ಯಾಕ್' ಅನ್ನು ತಂದಿದೆ. ಇದರ ಬೆಲೆ ರೂ. 251. ಮತ್ತು, ಇದು ದಿನಕ್ಕೆ 2GB ಡೇಟಾವನ್ನು ಒದಗಿಸುತ್ತದೆ, ಇದು 51 ದಿನಗಳ ಮಾನ್ಯತೆಯ ಅವಧಿಗೆ ಒಟ್ಟು 102GB ಡೇಟಾವನ್ನು ನೀಡಲಿದೆ. ಇನ್ನು ಈ ಯೋಜನೆಯಲ್ಲಿ ಗಮನಿಸಬೇಕಾದ ಪ್ರಮುಖ ಅಂಶವೆನೆಂದರೆ ಇದರಲ್ಲಿ ಯಾವುದೇ ಮಾದರಿಯ ಎಸ್‌ಎಂಎಸ್ ಅಥವಾ ಧ್ವನಿ ಕರೆ ಪ್ರಯೋಜನಗಳಂತಹ ಯಾವುದೇ ಅಂಶಗಳನ್ನು ಒಳಗೊಂಡಿಲ್ಲ.


  • ಅಲ್ಲದೆ

    ಅಲ್ಲದೆ ಒಂದು ದಿನಕ್ಕೆ ಮೀಸಲಾದ ಹೈ-ಸ್ಪೀಡ್ ಡೇಟಾ ಮಿತಿ ಮುಗಿದ ನಂತರ, ಡೇಟಾ ವೇಗವು 64 ಕೆಬಿಪಿಎಸ್‌ಗೆ ಇಳಿಯುತ್ತದೆ. ಇಂಟರ್ನೆಟ್ ಪ್ರಯೋಜನಗಳನ್ನು ಮಾತ್ರ ನೀಡುವ ಹೋಮ್ ರೀಚಾರ್ಜ್ ಯೋಜನೆಯ ಈ ವಿಶೇಷ ಕೆಲಸದ ಜೊತೆಗೆ, ರಿಲಯನ್ಸ್ ಜಿಯೋ 2GB ಮತ್ತು 3GB ದೈನಂದಿನ ಡೇಟಾ ಪ್ರಯೋಜನಗಳನ್ನು ಒದಗಿಸುವ 4G ಯೋಜನೆಗಳನ್ನು ಸಹ ನೀಡುತ್ತದೆ. ಇದರ ಬೆಲೆ ರೂ. 599 ಆಗಿದ್ದು. ಈ ಪ್ರಿಪೇಯ್ಡ್ ಯೋಜನೆಯು 84 ದಿನಗಳ ಅವಧಿಗೆ ದಿನಕ್ಕೆ 2 ಜಿಬಿ ಡೇಟಾವನ್ನು ನೀಡುತ್ತದೆ. ಜೊತೆಗೆ ರೂ. 444 ಪ್ರಿಪೇಯ್ಡ್ ಯೋಜನೆಯು 56 ದಿನಗಳ ಮಾನ್ಯತೆಯ ಅವಧಿಗೆ 2GB ದೈನಂದಿನ ಡೇಟಾವನ್ನು ನೀಡುತ್ತದೆ, ಮತ್ತು ರೂ. 249 ಪ್ರಿಪೇಯ್ಡ್ ಯೋಜನೆ ದಿನಕ್ಕೆ 2GB ಡೇಟಾವನ್ನು 28 ದಿನಗಳವರೆಗೆ ನೀಡುತ್ತದೆ.


  • ಏರ್‌ಟೆಲ್‌ ಪ್ಲ್ಯಾನ್‌

    ಏರ್‌ಟೆಲ್ ತನ್ನ ಚಂದಾದಾರರಿಗಾಗಿ ವರ್ಕ್‌ ಫ್ರಮ್‌ ಹೋಮ್‌ ಗಾಗಿ ಪ್ರತ್ಯೇಕ ರಿಚಾರ್ಜ್‌ ಪ್ಲ್ಯಾನ್‌ ಅನ್ನು ಘೊಷಿಸಿಲ್ಲ. ಆದರೂ ಕೂಡ ಟೆಲ್ಕೊ 4G ಡೇಟಾ ಯೋಜನೆಗಳನ್ನು ಒದಗಿಸುತ್ತದೆ. ಇದರಲ್ಲಿ ಪ್ರತಿನಿತ್ಯ 2GB ಡೇಟಾವನ್ನು ನೀಡುವ ಯೋಜನೆಗಳು ಕೂ ಸೇರಿವೆ. ಏರ್‌ಟೆಲ್‌ನಿಂದ 298 ಪ್ರಿಪೇಯ್ಡ್ ಯೋಜನೆ ತನ್ನ 28 ದಿನಗಳ ಮಾನ್ಯತೆಯ ಅವಧಿಯಲ್ಲಿ 2GB ಡೇಟಾವನ್ನು ದೈನಂದಿನ ಒದಗಿಸುತ್ತದೆ. ಅಲ್ಲದೆ ರೂ. 298 ಯೋಜನೆಯು ಅನಿಯಮಿತ ಧ್ವನಿ ಕರೆ ಪ್ರಯೋಜನಗಳು, ದಿನಕ್ಕೆ 100 ಎಸ್‌ಎಂಎಸ್ ಪ್ರಯೋಜನಗಳನ್ನು ಹೊಂದಿದೆ. ಇನ್ನೊಂದು ಏರ್‌ಟೆಲ್ ರೂ. 698 ಪ್ರಿಪೇಯ್ಡ್ ಯೋಜನೆ. ಇದು ದಿನಕ್ಕೆ 2GB ಡೇಟಾ, ಯಾವುದೇ ಎಫ್‌ಯುಪಿ ಇಲ್ಲದೆ ಅನಿಯಮಿತ ಧ್ವನಿ ಕರೆ ಪ್ರಯೋಜನಗಳನ್ನು, ದಿನಕ್ಕೆ 100 ಎಸ್‌ಎಂಎಸ್ ಮತ್ತು 84 ದಿನಗಳ ಮಾನ್ಯತೆಯ ಅವಧಿಗೆ ಏರ್‌ಟೆಲ್ ಪ್ರಯೋಜನವನ್ನು ಒದಗಿಸುತ್ತದೆ.


  • ವೊಡಾಫೋನ್‌ ಐಡಿಯಾ 4G ಪ್ಲ್ಯಾನ್‌

    ಇನ್ನು ವೊಡಾಫೋನ್ ಐಡಿಯಾ 4G ಯೋಜನೆಗಳು ಕೂಡ ವರ್ಕ್‌ಫ್ರಮ್‌ ಹೋಮ್‌ ಮಾಡುವುದಕ್ಕೆ ಸೂಕ್ತವಾಗಿದೆ, ವೊಡಾಫೋನ್ ಐಡಿಯಾ ಮನೆಯಿಂದ ಕೆಲಸ ಮಾಡುವ ವೃತ್ತಿಪರರಿಗೆ ಯಾವುದೇ ವಿಶೇಷ ರೀಚಾರ್ಜ್ ಯೋಜನೆಗಳನ್ನು ಘೋಷಿಸಿಲ್ಲ. ಆದಾಗ್ಯೂ, ವಿಲೀನಗೊಂಡ ಟೆಲ್ಕೋಗಳು ಈಗಾಗಲೇ ದಿನಕ್ಕೆ 2GB ಮತ್ತು 3GB ಡೇಟಾ ಪ್ರಯೋಜನಗಳನ್ನು ನೀಡುವ ಕೆಲವು 4G ಪ್ರಿಪೇಯ್ಡ್ ಯೋಜನೆಗಳನ್ನು ಹೊಂದಿವೆ. ರೂ. 299 ಪ್ರಿಪೇಯ್ಡ್ ಯೋಜನೆಯು ದಿನಕ್ಕೆ 2GB ಡೇಟಾವನ್ನು 28 ದಿನಗಳವರೆಗೆ ಮತ್ತು ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಧ್ವನಿ ಕರೆಗಳೊಂದಿಗೆ ಬರುತ್ತದೆ. ರೂ. 398 ಪ್ರಿಪೇಯ್ಡ್ ಯೋಜನೆಯು ದಿನಕ್ಕೆ 3GB ಡೇಟಾ ಮತ್ತು ಯಾವುದೇ ನೆಟ್‌ವರ್ಕ್‌ಗೆ 28 ​​ದಿನಗಳ ಅವಧಿಗೆ ಅನಿಯಮಿತ ಧ್ವನಿ ಕರೆ ನೀಡುತ್ತದೆ. ರೂ. 449 4G ಪ್ರಿಪೇಯ್ಡ್ ಯೋಜನೆ 56 ದಿನಗಳ ಅವಧಿಗೆ 2GB ದೈನಂದಿನ ಡೇಟಾವನ್ನು ನೀಡುತ್ತದೆ. ರೂ. 558 ರೀಚಾರ್ಜ್ ಯೋಜನೆ 56 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ ಮತ್ತು ದಿನಕ್ಕೆ 3GB ಡೇಟಾವನ್ನು ಒದಗಿಸುತ್ತದೆ.


  • ಬಿಎಸ್‌ಎನ್‌ಎಲ್‌ ಯೋಜನೆಗಳು

    ಇದಲ್ಲದೆ ಬಿಎಸ್ಎನ್ಎಲ್ ಸಂಸ್ಥೆ ಕೂಡ ತನ್ನ ಹೊಸ 5GB ದೈನಂದಿನ ಡೇಟಾ ಬ್ರಾಡ್ಬ್ಯಾಂಡ್ ಯೋಜನೆಯನ್ನು ಪರಿಚಯಿಸಿದೆ. ಅಲ್ಲದೆ ಎಸಿಟಿ ಫೈಬರ್ನೆಟ್ ಮಾರ್ಚ್ 31, 2020 ರವರೆಗೆ 300Mbps ವೇಗದಲ್ಲಿ ಅನಿಯಮಿತ ಡೇಟಾವನ್ನು ನೀಡುವ ಬ್ರಾಡ್‌ಬ್ಯಾಂಡ್ ಯೋಜನೆಯನ್ನು ಪರಿಚಯಿಸಿದೆ.




ಚೀನಾದಲ್ಲಿ ಹುಟ್ಟಿ ಇದೀಗ ಇಡೀ ಜಗತ್ತನ್ನೇ ತಲ್ಲಣಗೊಳಿಸಿರುವ ಕೊರೊನಾ ವೈರಸ್‌ ಎಲ್ಲಾ ವಲಯಗಳ ಮೇಲೂ ಪರಿಣಾಮ ಬೀರಿದೆ. ಮಾರಾಣಾಂತಿವಾಗಿ ಬದಲಾಗಿರುವ ಈ ಸೊಂಕು ವೈರಾಣು ಇಡೀ ಮನುಕುಲವನ್ನೇ ಕಂಪಿಸುವಂತೆ ಮಾಡಿ ಬಿಟ್ಟಿದೆ. ಇದೇ ಕಾರಣಕ್ಕೆ ಮುಂಜಾಗ್ರತ ಕ್ರಮವಾಗಿ ಸರ್ಕಾರ ತನ್ನ ಪ್ರಜೆಗಳಿಗೆ ಅಗತ್ಯ ಸೂಚನೆಗಳನ್ನ ನಿಡುತ್ತಾ ಸೊಂಕು ಹರಡವುದನ್ನ ತಪ್ಪಿಸಲು ಪ್ರಯತ್ನಿಸುತ್ತಲೇ ಇದೆ. ಈ ನಿಟ್ಟಿನಲ್ಲಿ ಈಗಾಗ್ಲೆ ಹಲವಾರು ಕಂಪೆನಿಗಳು ತಮ್ಮ ಉದ್ಯೋಗಿಗಳಿಗೆ ವರ್ಕ್‌ ಫ್ರಮ್‌ ಹೋಮ್‌ ಮಾಡುವುದಕ್ಕೆ ಸೂಚನೆ ನೀಡಿವೆ.

 
ಟೆಕ್ನಾಲಜಿ