Back
Home » ಆರೋಗ್ಯ
ಮೂಗಿನ ರಕ್ತಸ್ರಾವ ತಡೆಗಟ್ಟುವುದು ಹೇಗೆ?
Boldsky | 25th Feb, 2020 02:48 PM
  • ತತ್‌ಕ್ಷಣ ಮೂಗಿನ ರಕ್ತಸ್ರಾವವನ್ನು ತಡೆಯುವುದು ಹೇಗೆ?

    ವಿಶ್ರಾಂತಿ ಪಡೆಯಿರಿ
    ಮೂಗಿನಲ್ಲು ರಕ್ತಸ್ರಾವ ಶುರುವಾದ ಕೂಡಲೇ ಒಂದೆಡೆ ಕುಳಿತು ಆರಾಮವಾಗಿ ವಿಶ್ರಮಿಸಿ, ಶಾಂತವಾಗಿರಿ, ಗಾಬರಿಗೊಳ್ಳಬೇಡಿ. ಏಕೆಂದರೆ ನೀವು ಹೆಚ್ಚು ನಡೆದಾಡಿದರೆ, ಒತ್ತಡಕ್ಕೆ ಒಳಗಾದರೆ ನರಗಳ ಮೇಲೆ ಒತ್ತಡ ಉಂಟಾಗಿ ಇನ್ನೂ ಹೆಚ್ಚು ರಕ್ತಸ್ರಾವವಾಗಬಹುದು.


  • ಕುಳಿತು ಮುಂದಕ್ಕೆ ಬಾಗಿ

    ನಿಮ್ಮ ಗಂಟಲಿನ ಹಿಂಭಾಗದಲ್ಲಿ ರಕ್ತಸ್ರಾವವಾಗುವುದನ್ನು ತಡೆಯಲು ನಿಧಾನವಾಗಿ ಕುಳಿತುಕೊಳ್ಳಿ ಮತ್ತು ಸ್ವಲ್ಪ ಮುಂದಕ್ಕೆ ಬಾಗಿ. ಬದಲಾಗಿ ನೀವು ಹಿಂದಕ್ಕೆ ಒರಗಿ ಕೂತರೆ ಇದು ವಾಂತಿಗೆ ಕಾರಣವಾಗಬಹುದು ಅಥವಾ ಹೊಟ್ಟೆಯ ಸಮಸ್ಯೆ ಎದುರಾಗಬಹುದು. ಕುಳಿತುಕೊಳ್ಳುವ ಮೂಲಕ ಮೂಗಿನ ರಕ್ತನಾಳಗಳಲ್ಲಿನ ರಕ್ತದೊತ್ತಡ ಕಡಿಮೆಯಾಗುತ್ತದೆ.


  • ಮೂಗು ಹಿಸುಕಿಕೊಳ್ಳಿ

    ರಕ್ತಸ್ರಾವವನ್ನು ತಡೆಯಲು ನಿಮ್ಮ ತೋರು ಬೆರಳು ಮತ್ತು ಹೆಬ್ಬಟ್ಟನ್ನು ಬಳಸಿ ಮೂಗಿನ ಹೊಳ್ಳೆಗಳನ್ನು ಬಲವಾಗಿ ಒತ್ತಿ ಹಿಡಿಯಿರಿ. ಈ ವೇಳೆ ಬಾಯಿಯ ಮೂಲಕ ಉಸಿರಾಡಿ. ಇದನ್ನು ಕನಿಷ್ಠ 10 ರಿಂದ 15 ನಿಮಿಷಗಳ ಮುಂದುವರೆಸಿ. ಇದು ಮೂಗಿನ ರಕ್ತಸ್ರಾವದ ಹರಿವನ್ನು ನಿಲ್ಲಿಸುತ್ತದೆ.

    10-15 ನಿಮಿಷಗಳ ನಂತರವೂ ರಕ್ತಸ್ರಾವ ಮುಂದುವರಿದರೆ, ಮತ್ತೆ 10-15 ನಿಮಿಷಗಳ ಕಾಲ ಪ್ರಕ್ರಿಯೆಯನ್ನು ಪುನರಾವರ್ತಿಸಿ. ಈ ಸಂದರ್ಭದಲ್ಲಿ ರಕ್ತಸ್ರಾವವನ್ನು ನಿಲ್ಲಿಸಲು ಹತ್ತಿ, ಶುದ್ಧ ಬಟ್ಟೆಯನ್ನು ಬಳಸಿ, ಅಂಗಾಂಶಗಳನ್ನು ಬಳಸುವುದನ್ನು ತಪ್ಪಿಸಿ.


  • ಮೂಗಿನ ರಕ್ತಸ್ರಾವ ನಿಂತ ನಂತರ ಏನು ಮಾಡಬೇಕು

    ಪದೇ ಪದೇ ಮೂಗಿನ ಸ್ಪರ್ಶ ಬೇಡ
    ಮೂಗಿನ ರಕ್ತಸ್ರಾವ ನಿಂತರ ನಂತರ ಮೂಗನ್ನು ಪದೇ ಪದೇ ಸ್ಪರ್ಶಿಸಬೇಡಿ. ಇಂತಹ ಕೆಲಸಗಳು ಮತ್ತೆ ರಕ್ತಸ್ರಾವ ಅಗುವಂತೆ ಮಾಡುವ ಸಾಧ್ಯತೆ ಹೆಚ್ಚಾಗುತ್ತದೆ.


  • ಸೀನಬೇಡಿ

    ಮೂಗಿನ ರಕ್ತಸ್ರಾವವಾದ ಕನಿಷ್ಠ 24 ಗಂಟೆಗಳ ಒಳಗೆ ಸೀನಬೇಡಿ. ಆದಷ್ಟು ಅದನ್ನು ತಡೆಯಲು ಪ್ರಯತ್ನಿಸಿ. ನಿಮ್ಮ ಮೂಗಿಗೆ ಹೆಚ್ಚಿನ ಒತ್ತಡ ಹಾಕದೇ ವಿಶ್ರಾಂತಿ ನೀಡಿರಿ.


  • ಕೆಳಗೆ ಬಾಗುವುದನ್ನು ತಪ್ಪಿಸಿ

    ನಿಮ್ಮ ಮೂಗಿನಲ್ಲಿ ಒತ್ತಡವನ್ನು ಉಂಟುಮಾಡುವ ಕಾರಣ ಕೆಳಗೆ ಬಾಗುವುದು ಮತ್ತು ಭಾರವಾದ ವಸ್ತುಗಳನ್ನು ಎತ್ತುವುದನ್ನು ತಪ್ಪಿಸಿ. ರಕ್ತಸ್ರಾವವಾದ ಮುಂದಿನ 24 ರಿಂದ 48 ಗಂಟೆಗಳ ನಂತರ ಎಲ್ಲಾ ಚಟುವಟಿಕೆಗಳನ್ನು ಮಾಡಬಹುದು.


  • ಐಸ್ ಪ್ಯಾಕ್ ಬಳಸಿ

    ರಕ್ತನಾಳಗಳನ್ನು ಬಿಗಿಗೊಳಿಸಲು ಮತ್ತು ಉರಿಯೂತವನ್ನು ಕಡಿಮೆ ಮಾಡಲು 10 ನಿಮಿಷಗಳಿಗಿಂತ ಹೆಚ್ಚು ಕಾಲ ನಿಮ್ಮ ಮೂಗಿನ ಮೇಲೆ ಐಸ್ ಪ್ಯಾಕ್ ಅನ್ನು ಅನ್ವಯಿಸಿ.


  • ಯಾವಾಗ ವೈದ್ಯರನ್ನು ಕಾಣಬೇಕು?

    • ನಿಮ್ಮ ಮೂಗಿನಲ್ಲಿ 30 ನಿಮಿಷಗಳಿಗಿಂತ ಹೆಚ್ಚು ಕಾಲ ರಕ್ತಸ್ರಾವವಾಗಿದ್ದರೆ
    • ಮಸುಕಾದ ಅಥವಾ ತಲೆಯ ಭಾರ ಕಡಿಮೆಯಾಯಿತು ಎಂಬ ಭಾವನೆ ಉಂಟಾದರೆ
    • ಗಾಯ ಅಥವಾ ಅಪಘಾತದಿಂದಾಗಿ ಮೂಗಿನಲ್ಲಿ ರಕ್ತಸ್ರಾವವಾಗಿದ್ದರೆ
    • ನಿಮಗೆ ಆಗಾಗ್ಗೆ ಮೂಗಿನಲ್ಲಿ ರಕ್ತಸ್ರಾವವಾಗುತ್ತಿದ್ದರೆ.

  • ದೀರ್ಘಕಾಲದಲ್ಲಿ ಮೂಗಿನ ರಕ್ತಸ್ರಾವ ತಡೆಯುವುದು ಹೇಗೆ?

    ನಿಮ್ಮ ಮೂಗು ತೇವವಾಗಿರಿಸಿಕೊಳ್ಳಿ
    ಶುಷ್ಕತೆಯು ನಿಮ್ಮ ಮೂಗಿನ ರಕ್ತಸ್ರಾವಕ್ಕೆ ಕಾರಣವಾಗುತ್ತದೆ, ಆದ್ದರಿಂದ ಹತ್ತಿಯ ಸಹಾಯದಿಂದ ಪೆಟ್ರೋಲಿಯಂ ಜೆಲ್ಲಿಯನ್ನು ಹಚ್ಚುವ ಮೂಲಕ ನಿಮ್ಮ ಮೂಗಿನ ಒಳಭಾಗವನ್ನು ತೇವವಾಗಿರಿಸಿಕೊಳ್ಳಿ. ಲವಣಯುಕ್ತ ಸ್ಪ್ರೇಗಳನ್ನು ಬಳಸುವುದರಿಂದ ಸಹ ರಕ್ತಸಸ್ರಾವನ್ನು ತಡೆಯಬಹುದು.


  • ಉಗುರುಗಳನ್ನು ಬೆಳೆಸಬೇಡಿ

    ನಿಮ್ಮ ಬೆರಳಿನ ಉಗುರುಗಳನ್ನು ಆಗಾಗ್ಗೆ ತುಂಡರಿಸಿ. ಉದ್ದವಾದ ಮತ್ತು ತೀಕ್ಷ್ಣವಾದ ಉಗುರುಗಳನ್ನು ಬೆಳೆಸಬೇಡಿ. ಇದು ಆಕಸ್ಮಿಕವಾಗಿ ನಿಮ್ಮ ಮೂಗನ್ನು ಚುಚ್ಚಬಹುದು ಮತ್ತು ಇದರಿಂದ ಅಪಾರವಾದ ರಕ್ತಸ್ರಾವ ಆಗಬಹುದು.


  • ನಿಮ್ಮ ಮೂಗು ರಕ್ಷಿಸಿ

    ಯಾವುದೇ ಕ್ರೀಡೆ, ಆಟಗಳನ್ನು ಆಡುವಾಗ ನಿಮ್ಮ ಮೂಗನ್ನು ರಕ್ಷಿಸುವಂಥ ರಕ್ಷಕಗಳನ್ನು ತಪ್ಪದೇ ಧರಿಸಿ. ಮಲಗುವಾಗ ಎತ್ತರದ ದಿಂಬನ್ನು ಬಳಸಿ. ಹೆಚ್ಚು ತಲೆಯನ್ನು ಹೊರಳಿಸಬೇಡಿ, ಆರಾಮವಾಗಿ ಮಲಗಿ.




ಯಾವುದೇ ಸಮಸ್ಯೆ ಇಲ್ಲದಿದ್ದರೂ ಇದ್ದಕ್ಕಿಂದ್ದಂತೆ ಮೂಗಿನಲ್ಲಿ ರಕ್ತ ಸೋರಲು ಪ್ರಾರಂಭವಾಗಿರುತ್ತದೆ. ಇದು ಸಾಮಾನ್ಯವಾಗಿ ವಯಸ್ಕರು ಮತ್ತು 3 ರಿಂದ 10 ವರ್ಷದ ಮಕ್ಕಳಲ್ಲಿ ಕಂಡುಬರುವ ಆರೋಗ್ಯ ಸಮಸ್ಯೆಯಾಗಿದೆ. ಬಹುತೇಕರ ವಿಷಯದಲ್ಲಿ ಇದು ಗಂಭೀರ ಸಮಸ್ಯೆ ಅಲ್ಲದಿದ್ದರೂ, ಪದೇ ಪದೇ ಇಂಥಾ ಸಮಸ್ಯೆ ಎದುರಾದರೆ ನಿರ್ಲಕ್ಷಿಸುವುದು ಖಂಡಿತಾ ಸಲ್ಲದು.

ವೈಜ್ಷಾನಿಕವಾಗಿ ಎಪಿಸ್ಟಾಕ್ಸಿಸ್‌ ಎಂದು ಕರೆಯುವ ಈ ಸಮಸ್ಯೆಯು, ಸಾಮಾನ್ಯವಾಗಿದ್ದು ಶೇಕಡಾ 60ರಷ್ಟು ಮಂದಿ ಜೀವನದಲ್ಲಿ ಒಮ್ಮೆಯಾದರೂ ಈ ಅನುಭವವನ್ನು ಹೊಂದಿರುತ್ತಾರೆ.

ಮೂಗಿನ ರಕ್ತಸ್ರಾವದಲ್ಲಿ ಎರಡು ವಿಧಗಳಿಗೆ, ಹಿಂಭಾಗದಲ್ಲಿ ಬಾಯಿಯೊಳಗೆ ಉಂಟಾಗುವ ರಕ್ತಸ್ರಾವವನ್ನು ಹಿಂಭಾಗದ ಮೂಗಿನ ರಕ್ತಸ್ರಾವ ಎಂದೂ ಹಾಗೂ ಮೂಗಿನ ಹೊರಳೆಗಲ ಮೂಲಕ ಆಗುವ ರಕ್ತಸ್ರಾವವನ್ನು ಮುಂಭಾಗದ ಮೂಗಿನ ರಕ್ತಸ್ರಾವ ಎಂದೂ ಕರೆಯುತ್ತಾರೆ. ಒತ್ತಡ, ತಲೆನೋವು, ಶುಷ್ಕತೆ (ಡಿಹೈಡ್ರೇಷನ್‌) ರಕ್ತಸ್ರಾವಕ್ಕೆ ಪ್ರಮುಖ ಕಾರಣ.

ಹಾಗಿದ್ದರೆ, ಈ ಸಮಸ್ಯೆಯ ಬಗ್ಗೆ ನೀವು ತಿಳಿಯಲೇಬೇಕಾದ ಸಾಕಷ್ಟು ವಿವರಗಳನ್ನು ಈ ಲೇಖನದಲ್ಲಿ ಸವಿವರವಾಗಿ ನೀಡಿದ್ದೇವೆ ನೋಡಿ:

   
 
ಟೆಕ್ನಾಲಜಿ