Back
Home » ಇತ್ತೀಚಿನ
ಡೆಬಿಟ್ ಮತ್ತು ಕ್ರೆಡಿಟ್ ಗ್ರಾಹಕರಿಗೆ ಸಿಹಿಸುದ್ದಿ ನೀಡಿದ RBI.!
Gizbot | 16th Jan, 2020 11:03 AM
  • ಡೆಬಿಟ್ ಕಾರ್ಡ್‌, ಕ್ರೆಡಿಟ್ ಕಾರ್ಡ್

    ಹೌದು, ಪ್ರಸ್ತುತ ಡೆಬಿಟ್ ಕಾರ್ಡ್‌, ಕ್ರೆಡಿಟ್ ಕಾರ್ಡ್ ಸೇರಿದಂತೆ ಡಿಜಿಟಲ್ ವ್ಯವಹಾರಗಳು ಹೆಚ್ಚಾಗಿ ಬಳಕೆಯಲ್ಲಿವೆ. ಹಾಗೆಯೇ ಸದ್ಯ ಡಿಜಿಟಲ್ ಹಣಕಾಸಿನ ವ್ಯವಹಾರಗಳಲ್ಲಿ ಆನ್‌ಲೈನ್ ವಂಚನೆಯ ಪ್ರಕರಣಗಳ ಸಂಖ್ಯೆ ಸಹ ಅಧಿಕವಾಗುತ್ತಿವೆ. ಈ ನಿಟ್ಟಿನಲ್ಲಿ ಸುಧಾರಣೆ ತರಲು ಮತ್ತು ಡಿಜಿಟಲ್ ವ್ಯವಹಾರಗಳಲ್ಲಿ ಹೆಚ್ಚಿನ ಸುರಕ್ಷತೆ ಒದಗಿಸುವುದಕ್ಕಾಗಿ ಆರ್‌ಬಿಐ ಈ ಕ್ರಮಕ್ಕೆ ಮುಂದಾಗಿದೆ.


  • ಆಫ್‌ ಸೇಲ್‌ ಯಂತ್ರ

    ಬಳಕೆದಾರರಿಗೆ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್‌ಗಳನ್ನು ಎಟಿಎಂಗಳು ಮತ್ತು ಪಾಯಿಂಟ್‌ ಆಫ್‌ ಸೇಲ್‌ ಯಂತ್ರಗಳಲ್ಲಿ (ಶಾಪ್‌ಗಳಲ್ಲಿ ಕಾರ್ಡ್ ಬಳಸುವುದು) ಮಾತ್ರ ಬಳಸಲು ಅವಕಾಶ ಕೊಡುವಂತಹ ರೀತಿಯಲ್ಲಿ ಕಾರ್ಡ್‌ಗಳನ್ನು ರೂಪಿಸಬೇಕು ಎಂದೂ ಆರ್‌ಬಿಐ ತಿಳಿಸಿದೆ. ಹಾಗೆಯೇ ಚೀಪ್‌ ಕಾರ್ಡ್‌ ಅಥವಾ ಕಾಂಟ್ಯಾಕ್ಟ್‌ಲೆಸ್‌ ಕಾರ್ಡ್‌ ಆಯ್ದುಕೊಳ್ಳಲು ಗ್ರಾಹಕರಿಗೆ ಅವಕಾಶ ನೀಡಬೇಕು ಎಂದು ಸಹ ಹೇಳಿದೆ. ಇನ್ನು ಆರ್‌ಬಿಐನ ಹೊಸ ನಿಯಮ ಇದೇ ಮಾರ್ಚ್ 16ರಿಂದ ಜಾರಿಯಾಗಲಿದೆ.


  • ಬಳಕೆಯಲ್ಲಿರುವ ಡಿಜಿಟಲ್ ವ್ಯವಹಾರಗಳು

    ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ನೀಡಿ ಹಣ ವರ್ಗಾವಣೆ ಮಾಡುವುದು ಮತ್ತು ಕಾರ್ಡ್‌ ನೀಡದೇ (ಕಾರ್ಡ್‌ ನಂಬರ್ ಮತ್ತು ಪಿನ್ ನಮೂದಿಸಿ) ವ್ಯಬಹರಿಸುವ ಆಯ್ಕೆಯು ಸಹ ಸದ್ಯ ಬಳಕೆಯಲ್ಲಿವೆ. ಹಾಗೆಯೇ ಇತ್ತೀಚಿಗೆ ಕ್ಯಾಂಟ್ಯಾಕ್ಟ್‌ಲೆಸ್ ಕಾರ್ಡ್ ಬಳಕೆ ಹೆಚ್ಚಾಗಿದ್ದು, ಈ ಕಾರ್ಡ್ ಮೂಲಕ ವ್ಯವಹರಿಸಿದಾಗ ಗ್ರಾಹಕ ಯಾವುದೇ ಪಿನ್ ಎಂಟ್ರಿ ಮಾಡದೇ ಹಣ ವರ್ಗಾವಣೆಯ ಮಾಡಬಹುದಾಗಿದೆ. (ನಿರ್ದಿಷ್ಟ ಮೊತ್ತಕೆ ಮಾತ್ರ)


  • ಗ್ರಾಹಕರದ್ದೇ ಕೊನೆಯ ನಿರ್ಧಾರ

    ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್‌ಗಳನ್ನು ಸಕ್ರಿಯಮಾಡುವ ಅಥವಾ ಸ್ಥಗಿತಗೊಳಿಸುವ(ಆನ್/ಆಪ್), ಅವಕಾಶ ಗ್ರಾಹಕಗೆ ನೀಡಬೇಕು. ಅದೇ ರೀತಿ ಅಂತರರಾಷ್ಟ್ರೀಯ ವಹಿವಾಟುಗಳಲ್ಲಿ, ಪಿಒಎಸ್ ಯಂತ್ರಗಳಲ್ಲಿ‌, ಎಟಿಎಂ, ಆನ್‌ಲೈನ್‌, ಚಿಪ್‌ಕಾರ್ಡ್‌ ವಹಿವಾಟುಗಳಿಗೆ ಲಿಮಿಟ್ ನಿರ್ಧರಿಸುವ ಅವಕಾಶವನ್ನು ಸಹ ಗ್ರಾಹಕರಿಗೆ ನೀಡಬೇಕು. ಗ್ರಾಹಕರಿಗೆ ಅವರ ಅಗತ್ಯಕ್ಕೆ ತಕ್ಕಂತೆ ಬದಲಾವಣೆ ಮಾಡಿಕೊಳ್ಳಲು 24x7 ಅವಕಾಶ ನೀಡಬೇಕು ಎಂದಿದೆ.


  • ಆರ್‌ಬಿಐ ತಿಳಿಸಿದ ಪ್ರಮುಖ ಅಂಶಗಳು

    * ಡಿಜಿಟಲ್ ವ್ಯವಹಾರಗಳಿಗೆ ಹೆಚ್ಚಿನ ಭದ್ರತೆ ನೀಡುವ ಉದ್ದೇಶವಿದೆ.
    * ಇದೇ ಮಾರ್ಚ್‌ 16ರಿಂದ ನೂತನ ನಿಯಮಗಳು ಜಾರಿಗೆ ಬರಲಿವೆ
    * ಹೊಸ ನಿಯಮಗಳನ್ನು ಗ್ರಾಹಕರಿಗೆ ತಿಳಿಸುವುದಕ್ಕಾಗಿ ಬ್ಯಾಂಕ್‌ಗಳು ಹೆಚ್ಚಿನ ಜಾಹಿರಾತು ನೀಡಬೇಕು
    * ಕಾರ್ಡ್‌ ಸ್ಥಗಿತವಾದರೇ ಗ್ರಾಹಕರು ಮತ್ತೆ ಅರ್ಜಿ ಸಲ್ಲಿಸಿ ಸೇವೆಯನ್ನು ಚಾಲ್ತಿ ಮಾಡಿಕೊಳ್ಳಬಹುದು
    * ಡೆಬಿಟ್ ಕಾರ್ಡ್‌ ಮತ್ತು ಕ್ರೆಡಿಟ್ ಕಾರ್ಡ್‌ನಲ್ಲಿ ಬದಲಾವಣೆಗಳ ಆ ಬಗ್ಗೆ ಬಳಕೆದಾರರ ನೊಂದಾಯಿತ ಮೊಬೈಲ್ ಸಂಖ್ಯೆಗೆ ಎಸ್‌ಎಂಎಸ್‌, ಇ-ಮೇಲ್‌ ಕಳಿಸಬೇಕು.




ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್ ಬಳಕೆಯಲ್ಲಿ ಇನ್ನಷ್ಟು ಸುರಕ್ಷತೆಗೆ ಒದಗಿಸುವ ನಿಟ್ಟಿನಲ್ಲಿ ಭಾರತೀಯ ರೀಸರ್ವ್ ಬ್ಯಾಂಕ್(ಆರ್‌ಬಿಐ) ಇದೀಗ ಹೊಸ ಕ್ರಮಕೈಗೊಂಡಿದೆ. ಬಳಕೆದಾರರು ಅವರ ಅಗತ್ಯಕ್ಕೆ ಅನುಗುಣವಾಗಿ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್‌ ಅನ್ನು ಆನ್‌ ಮತ್ತು ಆಫ್ ಮಾಡುವ ಸೌಲಭ್ಯವನ್ನು ನೀಡಬೇಕೆಂದು ಬ್ಯಾಂಕ್‌ಗಳಿಗೆ ಬುಧವಾರ ಆರ್‌ಬಿಐ ಸುತ್ತೋಲೆ ನೀಡಿದೆ.

   
 
ಟೆಕ್ನಾಲಜಿ