Back
Home » Business
ഇൻഫോസിസ് സിഇഒയ്ക്കും സിഎഫ്ഒയ്ക്കുമെതിരെ അന്വേഷണം ആരംഭിച്ചു: നന്ദൻ നിലേക്കനി
Good Returns | 22nd Oct, 2019 03:56 PM

ഇൻഫോസിസ് സിഇഒയ്ക്കും സിഎഫ്ഒയ്ക്കുമെതിരെ ലാഭം കൂട്ടാൻ കൃത്രിമം കാണിച്ചതായി ആരോപിച്ചുള്ള പരാതിയിന്മേൽ ഇൻഫോസിസ് ഓഡിറ്റ് കമ്മിറ്റി അന്വേഷണം ആരംഭിച്ചതായി ചെയർമാൻ നന്ദൻ നിലേക്കനി. അന്വേഷണത്തിൽ സ്വാതന്ത്ര്യം ഉറപ്പാക്കുന്നതിന് സിഇഒയെയും സിഎഫ്ഒയെയും കമ്മിറ്റിയിൽ നിന്ന് ഒഴിവാക്കിയിട്ടുണ്ടെന്ന് ചെയർമാൻ നന്ദൻ നിലേക്കനി സ്റ്റോക്ക് എക്സ്ചേഞ്ചുകൾക്ക് നൽകിയ പ്രസ്താവനയിൽ പറഞ്ഞു.

അന്വേഷണ ഫലങ്ങളുടെ സംഗ്രഹം ഉചിതമായ സമയത്ത് ഇൻഫോസിസ് നൽകുമെന്നും കോർപ്പറേറ്റ് ഭരണത്തിന്റെ ഉയർന്ന നിലവാരം ഉയർത്തിപ്പിടിക്കുന്നതിനും എല്ലാ പങ്കാളികളുടെയും താൽപ്പര്യങ്ങൾ സംരക്ഷിക്കുന്നതിനും ബോർഡ് പ്രതിജ്ഞാബദ്ധമാണെന്നും അദ്ദേഹം പറഞ്ഞു. ഇന്നത്തെ ആദ്യ വ്യാപാരത്തിൽ ഇൻഫോസിസ് ഓഹരികൾ 16 ശതമാനം ഇടിഞ്ഞിരുന്നു.

ആരോപണങ്ങളില്‍ മനംമടുത്ത് വിശാൽ സിക്ക ഇൻഫോസിസ്​ സിഇഒ സ്​ഥാനം രാജിവച്ചു

2019 ഒക്ടോബർ 11 ലെ ബോർഡ് മീറ്റിംഗിന് ശേഷം ഓഡിറ്റ് കമ്മിറ്റി സ്വതന്ത്ര ഇന്റേണൽ ഓഡിറ്റർമാരുമായി കൂടിയാലോചന ആരംഭിച്ചുവെന്നും കൂടാതെ ഒരു സ്വതന്ത്ര അന്വേഷണം നടത്തുന്നതിന് നിയമ സ്ഥാപനമായ ഷാർദുൽ അമർചന്ദ് മംഗൽദാസ് ആൻഡ് കമ്പനിയെ ഏർപ്പെടുത്തിയിട്ടുണ്ടെന്നും സ്റ്റോക്ക് എക്‌സ്‌ചേഞ്ചുകൾക്ക് നൽകിയ പ്രസ്താവനയിൽ നിലേക്കനി കുറിച്ചു.

സി‌ഇ‌ഒ സലീൽ പരേഖും സി‌എഫ്‌ഒ നിലഞ്ചൻ റോയിയും ചേർന്ന് ഹ്രസ്വകാല വരുമാനവും ലാഭവും വർദ്ധിപ്പിക്കുന്നതിന് അനധികൃത നടപടികൾ സ്വീകരിച്ചതായാണ് അജ്ഞാതരായ ഒരുകൂട്ടം ജീവനക്കാരുടെ ആരോപണം. ഇൻഫോസിസ് ബോർഡിനും എസ്ഇസിക്കും അയച്ച കത്തുകളിൽ, സിഇഒ സലീൽ പരേഖ് വലിയ ഡീലുകൾക്കുള്ള അവലോകനങ്ങളും അംഗീകാരങ്ങളും അനധികൃതമായി നേടുകയായിരുന്നുവെന്നാണ് ആരോപിച്ചിരിക്കുന്നത്.

ഇൻഫോസിസിൽ ഉടൻ 18000 പേർക്ക് ജോലി, അതും കാമ്പസ് റിക്രൂട്ട്മെന്റ് വഴി

malayalam.goodreturns.in