Back
Home » ಸಿನಿ ಸಮಾಚಾರ
ನವರಸ ನಾಯಕ ಜಗ್ಗೇಶ್ ಮೇಲೆ ಕನ್ನಡದ ಈ ನಟಿಗೆ ಕ್ರಶ್ ಆಗಿತ್ತು
Oneindia | 22nd Oct, 2019 03:34 PM

ನವರಸ ನಾಯಕ ಜಗ್ಗೇಶ್ ಮೇಲೆ ನನಗೆ ಕ್ರಶ್ ಆಗಿತ್ತು ಎಂದು ಕನ್ನಡದ ನಟಿ ಹೇಳಿದ್ದಾರೆ. ಆಕೆ ಬೇರೆ ಯಾರು ಅಲ್ಲ ಮೇಘನಾ ಗಾಂವ್ಕರ್.

'ಕಾಳಿದಾಸ ಕನ್ನಡ ಮೇಷ್ಟ್ರು' ಸಿನಿಮಾದಲ್ಲಿ ಮೇಘನಾ ಗಾಂವ್ಕರ್ ನಟ ಜಗ್ಗೇಶ್ ಜೊತೆಗೆ ನಟಿಸಿದ್ದಾರೆ. ಈ ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಮೇಘನಾ, ಜಗ್ಗೇಶ್ ಮೇಲೆ ಕ್ರಶ್ ಆಗಿದ್ದ ವಿಷಯ ಹಂಚಿಕೊಂಡಿದ್ದಾರೆ.

ನಟ ಜಗ್ಗೇಶ್ ಗೆ ಸಾಥ್ ನೀಡಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್

ಮೇಘನಾ ಮೊದಲ ಬಾರಿಗೆ ನೋಡಿದ ಜಗ್ಗೇಶ್ ಸಿನಿಮಾ 'ಸರ್ವರ್ ಸೋಮಣ್ಣ'. ಈ ಸಿನಿಮಾದಲ್ಲಿ ಜಗ್ಗೇಶ್ ಮಾಡಿದ ಕಾಮಿಡಿ, ಅವರ ಮ್ಯಾನರಿಸಂ ಮೇಘನಾಗೆ ಬಹಳ ಇಷ್ಟ ಆಗಿತಂತೆ. ಆ ಸಿನಿಮಾ ನೋಡಿ ಜಗ್ಗೇಶ್ ಮೇಲೆ ಕ್ರಶ್ ಆಗಿತಂತೆ. ಹೀಗಿರುವಾಗ, ಅಂತೂ ತಮ್ಮ ಮೆಚ್ಚಿನ ನಟನ ಜೊತೆಗೆ ಮೇಘನಾ ತೆರೆ ಹಂಚಿಕೊಂಡಿದ್ದಾರೆ.

ಈ ಹಿಂದೆ ಮೂರು ಸಿನಿಮಾಗಳಲ್ಲಿ ಜಗ್ಗೇಶ್ ಜೊತೆಗೆ ಮೇಘನಾ ಗಾಂವ್ಕರ್ ನಟಿಸಬೇಕಾಗಿತ್ತು. ಆದರೆ, ಕೊನೆಯ ಕ್ಷಣದಲ್ಲಿ ಆ ಸಿನಿಮಾಗಳಿಂದ ಮೇಘನಾ ಆಚೆ ಬಂದರು. ಆದರೆ, 'ಕಾಳಿದಾಸ ಕನ್ನಡ ಮೇಷ್ಟ್ರು' ಮೂಲಕ ಮೇಘನಾ ಆಸೆ ಈಡೇರಿದೆ.

ಪರಭಾಷೆಯವರ ಬೂಟು ನೆಕ್ಕುವುದು ಬೇಡ, ನಮ್ಮಲ್ಲಿ ಕಲಾವಿದರಿದ್ದಾರೆ: ಜಗ್ಗೇಶ್

'ಕಾಳಿದಾಸ ಕನ್ನಡ ಮೇಷ್ಟ್ರು' ಕವಿರಾಜ್ ನಿರ್ದೇಶನದ ಸಿನಿಮಾವಾಗಿದೆ. ಕನ್ನಡ ಶಿಕ್ಷಕನ ಪಾತ್ರದಲ್ಲಿ ಜಗ್ಗೇಶ್ ಕಾಣಿಸಿಕೊಂಡಿದ್ದಾರೆ. ಜಗ್ಗೇಶ್ ಪತ್ನಿಯಾಗಿ, ಇಂಗ್ಲೀಷ್ ಪ್ರೇಮಿಯಾಗಿ ಮೇಘನಾ ನಟಿಸಿದ್ದಾರೆ.

   
 
ಟೆಕ್ನಾಲಜಿ